Nos ha le placer de haber super Internet un gruppo de correspondentia
electronic INTERLNG, ubi nos scribe e lege iste lingua belle, practic, e intelligente. Nos debe regratiar Frank
Pfaff (SUA) pro su ingeniositate e bon connexiones in establir iste foro pro le uso de interlingua.
"INTERLNG" es le nomine de un gruppo de personas qui vole participar
in discussiones in interlingua sur le Internet per excambio de posta electronic. Le objecto de iste liste es provider
un foro pro USAR le lingua. Le intention principal non es discussiones SUPER Interlingua ma discussiones IN Interlingua
super themas varie. Nonobstante, isto non vole dicer que tal discussiones super Interlingua sia prohibite.
Nos spera que interlinguaphonos a qualcunque nivello sentira se benvenite.
Il debe esser evidente que necuno parla interlingua como lingua materne. E totos pote semper meliorar se. Ergo,
omne participante in iste gruppo intende semper communicar con un spirito de patientia, cooperation, e amicitate.
Consulta le archivos del lista pro evalutar le quotidiano del lista.
Instructiones
Inscription
- Invia al adresse listserv@maelstrom.stjohns.edu
le message:
SUBSCRIBE INTERLNG Maria
Christina
Nota: Hic, Maria Christina es un nomine-exemplo, e debe esser substituite per tu proprie nomine.
- Del servitor Maelstrom del St. John's University tu recipera un requesta
de confirmation. Tu debe confirmar tu desiro de participar per inviar al adresse listserv@maelstrom.stjohns.edu
le message:
OK
A partir de iste momento, tu comenciara a reciper le messages del lista,
e essera capace de inviar messages tamben.
Participation
Invia tu messages al adresse interlng@maelstrom.stjohns.edu,
e illo essera recipite per tote le participantes del lista.
Termination
Pro retirar tu nomine del lista, invia al adresse listserv@maelstrom.stjohns.edu
le sequente message:
UNSUBSCRIBE INTERLNG
Tu potera reinscriber se a qualcunque momento per repeter le methodo
de inscription describite supra.
Nota: Observa que le adresse pro commandos, como inscription e termination, ("listserv@...")
es differente del adresse de participation ("interlng@...")!
Archivos
Le contributiones inviate al lista es archivate. Tu pote consultar le
archivos in-linea al adresse http://maelstrom.stjohns.edu/archives/interlng.html
O, si tu vole reciper archivos per e-posta, tu pote inviar al adresse
listserv@maelstrom.stjohns.edu le messages infra:
- Pro obtener un lista del archivos disponibile:
INDEX INTERLNG
- Pro reciper un archivo specific:
GET INTERLNG LOGxxxx
- Pro obtener plus informationes (in anglese) super le archivos:
INFO DATABASE
Invisibile
Tu pote mantener tu adresse de e-posta invisibile al commando REVIEW, que retorna le adresses
inscripte in le lista. Pro isto, invia al adresse listserv@maelstrom.stjohns.edu
le message:
SET INTERLNG CONCEAL
Altere informationes
Si tu vole saper plus super le commandos LISTSERV, obtene le carta de
referentia (in anglese) per inviar al adresse listserv@maelstrom.stjohns.edu le message:
INFO REFCARD
Le administrator
Si tu ha problemas o ha besonio de information super le lista INTERLNG,
contacta, per favor le administrator del lista al adresse interlng-request@maelstrom.stjohns.edu.
